काठमाडाैं ।। वैशाख ३० गते भएको स्थानीय तह निर्वाचनको देशभर भइरहेको मतगणना अनुसार हालसम्म ९२ स्थानको मत परिणाम सार्वजनिक भएको छ । बिहान ८ बजेसम्म ७ सय ५१ स्थानीय तहका लागि भएको निर्वाचनमध्ये नेपाली काँग्रेसले ३४ प्रमुख पदमा जित हात पारेको छ भने प्रमुख प्रतिपक्षी नेकपा एमालेले ३३ स्थानमा जीत हात पारेको छ । यस्तै नेकपा माओवादी केन्द्रले २२, एकीकृत समाजवादीले २ र अन्य तर्फका १ जनाले प्रमुख पदमा जित हात पारेका छन् । यस्तै उप प्रमुख उपाध्यक्षमा नेपाली काँग्रेसले ३९, एमालेले ३०, माओवादी केन्द्रले १४, एकीकृत समाजवादीले ४ र जसपाले १ स्थानमा जित हात पारेको छ । देशभरका प्रमुख र अध्यक्ष काँग्रेसले अग्रता कायमै छ भने उप प्रमुख र उपाध्यक्षमा पनि काँग्रेसकै अग्रता रहेको छ । एमालेले भने प्रमुख र अध्यक्ष तथा उपप्रमुख र उपाध्यक्षमा काँग्रेसलाई पछ्याइरहेको छ ।
