हेटौडा ।। धरान-चतरा सडकअन्तर्गत मकवानपुरको हेटौडा उपमहानगरपालिका-६ स्थित पुतली बजारमा बुधबार बिहान बस दुर्घटना हुँदा १० जना घाइते भएका छन् ।
फुर्केचौरबाट हेटौँडा बजारतर्फ आउँदै गरेको ना. ३ ख ५३०३ नम्बरको बसले टेलरलाई साइड दिने क्रममा अचानक सडक किनारामा पल्टिएको जिल्ला प्रहरी कार्यालय मकवानपुरले जनाएको छ ।
दुर्घटनामा बसमा सवार १५ जनामध्ये १० जना घाइते भएको प्रहरीले जानकारी दिएको छ ।
घाइतेहरूमा हेटौँडा-१७ हटियाका वर्ष २५ की पुष्पा डंगोल, वर्ष २१ की रुपा डंगोल, हेटौँडा-१७ का वर्ष ५१ का शंकर राई र वर्ष ५५ की आशा, वीरगन्ज महानगरपालिका घर भएका वर्ष २२ की सीमा साह, हेटौँडा-१८ बस्ने वर्ष ४५ की महिला (नाम स्पष्ट बताउन नसक्ने) र वर्ष ७० का पुरुष हेटौँडा अस्पतालमा उपचाररत छन् ।
यस्तै मकवानपुरगढी गाउँपालिका-७ की वर्ष ५६ की माहिली माया थिङ, मकवानपुरगढी-१ धापका वर्ष ४६ का कुमार सिंह गोले र हेटौँडा-१८ हर्नामाडीका ३६ वर्षीय सोम लाल थिङ सञ्चो हस्पिटलमा उपचाररत रहेको प्रहरीले जनाएको छ ।
