काठमाडाैं ।। काँग्रेस केन्द्रीय कार्यसमिति बैठक दोस्रोपटक बस्दै नबसी स्थगित भएको छ । आज एक बजेका लागि बोलाइएको बैठक पार्टीभित्र देखिएको विवाद समाधान गर्ने प्रयास सकारात्मक भइरहेको भन्दै स्थगित गरिएको प्रवक्ता विश्वप्रकाश शर्माले जानकारी दिनुभयो । अर्को बैठक शुक्रबार दिउँसो १ बजे बोलाइएको पनि उहाँले जानकारी दिनुभयो । सोमबार बोलाइएको बैठक पनि बस्दै नबसी सहमतिका लागि भन्दै आजसम्म स्थगित गरिएको थियो । पार्टी संस्थापनले १४ औं महाधिवेशनको कार्यतालिका नल्याएको, छलफल बिना विभागको संख्या बढाएको, भातृसंस्था नेपाल विद्यार्थी संघ (नेविसंघ) र तरुण दलको विवाद मिलाउन यथेष्ट प्रयास नगरेको भन्दै नेता रामचन्द्र पौडेल र कृष्णप्रसाद सिटौला पक्षले केन्द्रीय कार्यसमिति बैठक बहिष्कार गर्दै आएका छन् ।
हाम्राे यूटुव टीभी हेर्नकाे लागि यहाँ किलिक गराै ।।
