स्याङ्गजा ।। बहुविवाह मुद्दाको कसुरमा प्रहरीले एकजनालाई पक्राउ गरेको छ । वालिङ नगरपालिका ९ का ३७ वर्षका नवराज पौडेललाई बहुविवाहको कसुरमा जिल्ला प्रहरीले पक्राउ गरेको प्रहरी प्रवक्ता नवीनकृष्ण भण्डारीले बताउनुभयो । पक्राउ परेका पौडेलले वालिङ ९ बस्ने २७ वर्षका संगीता अर्याल पौडेललाई दोस्रो श्रीमतीका रुपमा विवाह गरी ल्याएको भन्दै कानूनी कारबाहीको माग गर्दै जेठी श्रीमती ३९ वर्षका गीता काफ्ले पौडेलले ‘विवाह सम्बन्धी कसुर’ मा उजुरी दिएको प्रहरी प्रवक्ता भण्डारीले बताउनुभयो । पक्राउ परेका श्रीमान पौडेललाई स्याङ्जा जिल्ला अदालतबाट म्याद थप गरी अनुसन्धान शुरु गरिएको प्रहरी कार्यालयले जनाएको छ ।
हाम्राे यूटुव टीभी हेर्नकाे लागि यहाँ किलिक गराै ।।
