राैतहट ।। रौतहट जिल्लाको सदरमुकाम गौरमा रहेका प्रादेशिक अस्पताललाइ प्रदेश सरकारले आवश्यकता अनुसारको बजेट उपलव्ध नगराउदा अस्पताल संचलनमा समस्या उत्पन्न भै रहेका छन् ।
जिल्ला अस्पतालको रुपमा रहेका गौर अस्पतालमा विरामीको चाप बढी रहेको र बजेट न्यून रहेको कारण औषधि व्यवस्थापनमा समस्या हुने गरेको अस्पतालका मेडिकल सुप्रिटेनडेन्ट डाक्टर कृष्णा साहले बताएका छन् ।
प्रादेशिक अस्पताल गौरलाई १ बर्षमा ४ करोड बजेटको आवस्यकता रहेकोमा प्रदेश सरकारले १० लाख अति आवश्यक औषधि खरिद र १० लाख उपकरण खरिदको लागि बजेट पठाउने गरेको बताए ।
गौर नगरपालिका , राजदेवी नगरपालिका , यमुनामाई गाउपालिका , राजपुर नगरपालिका र इशनाथ नगरपालिका मुख्य रुपमा प्रादेशिक अस्पताल भित्रको क्षेत्र रहेकोले विरामीको चाप बढी हुने गरेको उहाले बताए ।
प्रदेश सरकारले प्रादेशिक अस्पतालको व्यवस्थापन र संचालनको लागि विरामीको चाप अनुसारको रकम बजेट व्यवस्थापन गर्नु पर्नेमा न्यून बजेट दिने गरेकोले चाहिने अनुसार औषधि आपूर्ति गर्न कठिनाइ हुने गरेको गुनासो गरे ।
शिक्षा र स्वाश्थ्यको क्षेत्रमा बढी बजेट बिनियोजन गर्नु पर्नेमा सो नगरी प्रादेशिक अस्पताल गौरलाइ कम बजेट दिने गरेको छ । सामाजिक विकास मन्त्रालयले रौतहटलाइ विभेद गरेको देखिएको छ ।
बजेट कम भएको कारण आमा सुरक्षा कार्यक्रमको रकमबाट आवश्यकता अनुसारको औषधि र उपकरण खरिद गर्नु पर्ने बाध्यता रहेको डाक्टर साहले जनाए ।
अस्पतालमा १० देखि १५ लाख सम्म केमिकलमा खर्च हुने अवस्था रहेकोमा प्रदेश सरकारले एक्सरे मेशिन संचालन तथा लैब को लागि ४ लाख केमिकल खरिदमा रकम दिने गरेको जुन अपुग रहेको उहाले बताए ।
स्थानीय सरकारको मातहतमा स्थानीय तहमा भएको स्वास्थ्य सस्थाहरु रहे पनि जिल्ला अस्पताल मा उपचार गराउन आउने विरामीहरुको भिड बढी नै रहेको छ । सरकारले एक गर्भवती महिलाको प्रसूतिको लागि १५ सय रुपैयाका दरले पठाउने गरेको जनाउदै खर्चको अनुपातमा सो रकम पनि अपुग रहेको बताए ।
सिएस गर्दा लाग्ने सामग्री , महिला स्वास्थ्यकर्मीहरुलाई दिइने सुविधा , महिलालाई दिने यातायात सुविधा गरि २ हजार भन्दा बढी नै एक जना विरामीको खर्च लाग्ने गरेको छ ।
डाक्टर साहले स्वास्थ्यको क्षेत्रमा सरकारले बढी रकम विनियोजन गर्नु पर्ने सुझाव दिए । प्रदेश सरकार ले पठाएको रकमले औषधि आपूर्ति हुन् नसक्ने भएकोले जनसंख्या तथा कभरेज एरियाको अध्यन गरि सोको हिसावले बजेट विनियोजन गर्नु पर्ने माग समेत गरे ।
मानवको प्रत्यक्ष जीवन संग सरोकार राख्ने स्वास्थ्य सस्थाको विकास प्रति गम्भीर हुनु पर्ने धारणा उहाको रहेको छ । जिल्ला अस्पतालको भौतिक पूर्वाधार विकास , दक्ष चिकित्सक , प्रयाप्त मात्रामा उपकरण , औषधिको व्यवस्थापन गरिए आम नागरिकलाइ सेवा प्रबाहमा सहजता पुग्ने विस्वास डाक्टर साहको रहेको छ ।
बारा , सर्लाही , महोतरीको तुलनामा प्रादेशिक अस्पताल गौरले राम्रो सेवा सुविधा दिने गरेको दावी गर्दै बजेटमा कटौती किन गर्ने गरेको भनि सरकार सित प्रश्न गरे । खपतको हिसावले औषधि , उपकरण आपूर्ति गर्नु पर्ने माग समेत गरेका छन् ।
प्रदेश स्वास्थ्य आपूर्ति व्यवस्थापन केन्द्रले जेष्ठ १९ गतेका दिन ५८ हजार २साय ११ रुपैया ५० पैसा मुल्य बरावरको ७ किसिमका स्लाइनका बोतल उपलव्ध गराएको स्टोर प्रमुख राम अश्रे मुखियाले बताएका छन् ! पबmउबगलम सोडियम २८ बोतल , नोर्मल स्लाइन ७५ बोतल , सोडियम क्लोराइड १०० एमएल ७०० बोतल , सिप्रोफ्लोक्सासिन २०० एमजी ५०० बोतल सोडियम क्लोराइड नोर्मल स्लाइन १५० बोतल , mभतचयलष्मबशयभि ५०० mन १०० बोतल मभहतचयकभ ५% १२० बोतल रहेको छ ।
