काठमाडाैं ।। फ्रान्समा पेन्सन सुधारको माग गर्दै जारी देवव्यापी हड्तालका कारण जनजिवन प्रभावित हुँदै गएको छ । हड्तालका कारण विद्यालय, सरकारी कार्यालय तथा सार्वजनिक यातायात सेवा बन्द भएका छन् । एक सय भन्दा बढी शहरमा हजारौं मानिस आन्दोलनमा सहभगी भएको अन्तराष्ट्रिय सञ्चारमाध्यमहरुले जनाएका छन् । प्रदर्शनका क्रममा प्रहरी र आन्दोलनकारीबीच झडप हुँदा कयांै घाईते भएका छन् । फान्स सरकारले हालै ल्याएको पेन्सन सुधार योजनाप्रति असहमति जनाउँदै श्रमिकहरुले देशव्यापी आन्दोलन चर्काएका हुन् । प्रस्तावित नयाँ व्यवस्थामा निवृत्ति भरणको समय अवधी बढाउने प्रस्ताव गरिएको छ । तर, नयाँ योजना लागू हुनु अगावै सेवा निवृत्त हुनेहरुका लागि कम सुविधाको व्यवस्था गरिएको उनीहरुको आरोप छ । उक्त हड्तालमा शिक्षक, कर्मचारी, वकिल सुरक्षाकर्मी लगायत आम कामकाजी नागरिक सहभागी भएका छन् । राष्ट्रपति इमानुएल म्याक्रोले सामाजिक सुरक्षाका लागि नयाँ सुधार योजना ल्याएको दाबी गर्नुभएको छ । उहाँले नयाँ योजनाले मजदुरको हितमा काम गर्ने दावीसमेत गर्नुभएको छ । नयाँ व्यवस्था लागू भए फ्रान्समा हाल कायम रहेको ४२ वटा अलग अलग पेन्सन स्किम विस्थापित हुनेछन् ।
Home अन्तराष्ट्रिय फ्रान्समा पेन्सन सुधारको माग गर्दै जारी देवव्यापी हड्तालका कारण जनजिवन प्रभावित हुँदै
फ्रान्समा पेन्सन सुधारको माग गर्दै जारी देवव्यापी हड्तालका कारण जनजिवन प्रभावित हुँदै
हाम्राे यूटुव टीभी हेर्नकाे लागि यहाँ किलिक गराै ।।