डडेलधुरा ।। विद्यालयमा महिनावारी भएपछि बीचमै कक्षा छोड्नु पर्ने बाध्यता अझै पनि अधिकांश विद्यालयमा छ । तर डडेल्धुरा सदरमुकामको महेन्द्र माध्यमिक बिद्यालयमा स्मार्ट कार्ड प्रयोग गरी सेनेटरी प्याड निकाल्ने मेसिन सञ्चालनमा ल्याइएपछि छात्राहरूलाई सजिलो भएको छ । अमरगढी नगरपालिका–५स्थित महेन्द्र माध्यमिक विद्यालयमा स्मार्ट कार्ड प्रयोग गरी मेसिनबाट ‘सेनेटरी प्याड’ निकाल्ने व्यवस्था मिलाइएको हो । अमरगढी नगरपालिकाको पहलमा ‘सेनेटरी प्याड’ निकाल्ने मेशिन सञ्चालनमा ल्याएपछि सजिलो भएको छात्राहरूको भनाइ छ । पहिले महिनावारी भएको बेला समस्या हुने, विद्यालयमा महिनावारी भए बीचमै कक्षा छोड्नु पर्ने, प्याड माग्न लाजले अफ्ठेरो हुने थियो । अहिले त्यो समस्या नरहेको विद्यालयका प्रधानाध्यापक सुरेन्द्रबहादुर ऐर बताउनुहुन्छ । सरकारले पनि हरेक सामुदायिक विद्यालयमा निःशुल्क सेनेटरी प्याडको व्यवस्था गर्ने घोषणा गरेको छ । महिनावारीका कारण पढाइमा प्रभाव नहोस् भन्नका लागि प्याड मेसिनको व्यवस्था गरिएको अमरगढी नगरपालिकाका उपप्रमुख संगीता भण्डारीको भनाइ छ । महिनावारी भएका बेला प्रयोग गर्नका लागि प्याडको सुविधा यसअघि भए पनि माग्नका लागि छात्राहरूले अफ्ठेरो मान्थे । मेसिनबाट आफैं निकाल्न पाउने भएपछि अब सजिलो हुने उनीहरुले बताएका छन् ।
Home मुख्य समाचार महेन्द्र माध्यमिक बिद्यालयमा स्मार्ट कार्ड प्रयोग गरी सेनेटरी प्याड निकाल्ने मेसिन सञ्चालन
महेन्द्र माध्यमिक बिद्यालयमा स्मार्ट कार्ड प्रयोग गरी सेनेटरी प्याड निकाल्ने मेसिन सञ्चालन
हाम्राे यूटुव टीभी हेर्नकाे लागि यहाँ किलिक गराै ।।