दाङमा बस दुर्घटना : एकको मुत्यु, २० घाईते

दाङ ।। दाङमा बस दुर्घटना हुँदा एक जनाको मुत्यु भएको छ । दुर्घटनामा २० जना घाईते भएका छन् । जिल्लाको घोराहीदेखी प्युठानको ढिकावाङतर्फ जाँदै गरेको ना ३ ख ६५४२ नम्वरको बस बंगलाचुली गाउँपालिका वडा नम्वर ६ बचेनी भन्ने ठाउँमा दुर्घटना हुँदा बसमा सवार प्युठान माण्डवी गाउँपालिका वडा नम्वर २ बस्ने १६ वर्षका नेहा वलीको घटनास्थलमै मुत्यु भएको जिल्ला प्रहरी कार्यालय दाङले जनाएको छ । बस दुर्घटनामा परि अन्य २० जना घाईते भएका छन् । घाईतेमध्ये ४ जनाको अवस्था गम्भीर रहेको र अन्यको मध्यम र सामान्य रहेको प्रहरीले जनाएको छ ।