बडिगाडमा राष्ट्रिय कराँते प्रतियोगिता सुरु

गुल्मी ।। बाग्लुङ्गको बडिगाड ५ ग्वालीचौरमा दोस्रो गाउँपालिका अध्यक्ष कप राष्ट्रिय कराँते प्रतियोगिता सुरु भएको छ । प्रतियोगितामा देशका सात प्रदेश र आयोजक टोली गरी आठ समुहको सहभागीता रहेको छ । नेपाल सितोरियो कराँते बडिगाड डोजोको संयोजनमा ग्वालिचौरमा दोस्रो गाउँपालिका अध्यक्ष कप राष्ट्रिय कराँते प्रतियोगिता २०७६ आयोजना गरिएको हो । दुईदिन चल्ने प्रतियोगितामा प्रथम, द्वितीय र तृतीय हुने टिमलाई क्रमशः ८० हजार, ५० हजार र ३० हजार नगद प्रदान गरिने आयोजकले जनाएको छ । प्रतियोगितामा सहभागी हुने प्रत्येक टिमलाई १५ हजार नगद र खान–बस्नको व्यवस्था गरिएको छ । करिब ३० लाख रुपैयाँको बजेट अनुमान गरिएको प्रतियोगिातका लागि गाउँपलिकाले २२ लाख रुपैयाँ सहयोग गरेको छ । हिजोबाट सुरु भएको प्रतियोगिता आज सकिंदैछ ।