काठमाडौं ।। बलिउड अभिनेता अक्षय कुमारको फिल्म ‘गुड न्युज’ को पोष्टर सार्वजनिक गरिएको छ । अक्षय कुमारले टवटी गरेर यो फिल्मको पोष्टर सार्वजनिक गरेका हुन् । यो चलचित्रमा अक्षय कुमार र करीना कपुर जोडिको रुपमा देखिने छन् । साथै यो चलचित्रमा दिलजीत दोसांझ र कियारा आडवाणी पनि देखिने छन् । सेयर गरेको पोष्टरमाथि धेरै प्रतिक्रिया आइरहेका छन् । प्रतिक्रियाको क्रममा भारतका हास्यकलाकार कपिल शर्माले पनि ट्वीटमार्फत् आफ्नो प्रतिक्रिया दिएका छन् । अक्षय कुमारको फिल्म ‘गुड न्यूज’ को पोस्टर सेयर गर्दै कपिल शर्माले लेखे, ‘बधाई छ । पोस्टर निकै राम्रो देखिएको छ तर मेरो गुड न्यूज तपाईंको भन्दा अघि आउँछ । अल द बेस्ट टीम गुड न्यूज ।’
कपिल शर्माले यसो भनेर गुड न्यूज फिल्म रिलिज अगावै उनको सन्तानको जन्म हुने बताएका छन् । करण जोहरको धर्मा प्रोडक्शनको व्यानरमा बन्न लागेको चलचित्र ‘गुड न्यूज’ बाट राज मेहता निर्देशकको रुपमा डेब्यु गर्दैछन्। चलचित्र आगामी डिसेम्बर २७ मा रिजिल हुनेछ।
