कृषि उत्पादन बढाउने लक्ष्य राखेर सरकारले कृषिमा प्रविधिको प्रयोग बढाउँदै

धनकुटा ।। किसानको मेहनत घटाउने तर कृषि उत्पादन बढाउने लक्ष्य राखेर सरकारले कृषिमा प्रविधिको प्रयोगलाई बढवा दिंदै आएको छ । सजिलोका लागि विभिन्न कृषि औजार, उपकरण र प्रविधि, लागत साझेदारी, आशिंक तथा शतप्रतिशत अनुदानमा किसानलाई वितरण गरिन्छ । तर, त्यस्तो कृषि औजार नेपालमा भने उत्पादन हुँदैन । धनकुटाको सिंधुवास्थित तरकारी जोन कार्यालयले गत वर्षका लागि दुई करोड १८ लाख ९१ हजार रुपैयाँ बजेट मध्ये ६१ प्रतिशत अर्थात् एक करोड ४० लाख अनुदानमा खर्च ग¥यो । यो रकमबाट मिनिटिलर, प्लाष्टिक घर, थोपा सिँचाईका पाइप, पुतली तथा किरा मार्ने पासो, बोरा लगायत कृषि सामग्री किनेर किसानलाई अनुदानमा बाँडियो । यी सबै उपकरण र सामग्री भारतलगायत अन्य मुलुकबाट ल्याईएको हो । यस्ता कृषि सामग्री बिग्रँदा बनाउने मानिस पनि विदेशबाटै बोलाउनु पर्ने बाध्यता रहेको तरकारी जोन सिंधुवा धनकुटाका प्रमुख देविन्द्र साहु बताउनुहुन्छ । विदेशबाट आयात गर्नु परेकै कारण कृषि समाग्री र उपकरणमा ४० देखि ६० प्रतिशतसम्म बढी मूल्य लाग्ने गरेको तथ्याङक छ । तयारी वस्तु ल्याउँदा न्यून शुल्क तोकेको सरकारले कच्चापदार्थ आयातमा भने अस्वभाविक भन्सार असुल्ने गरेको व्यवसायीको आरोप छ । जसका कारण स्वदेशमै कृषि समाग्री तथा उपकरणको उत्पादन बढ्न नसकेको नेपाल थोपा ंिसँचाई प्रालि काठमाण्डौका सञ्चालक खोजबहादुर कटुवाल बताउनुहुन्छ । तयारी सामग्री ल्याउँदा एकप्रतिशत शुल्क तिरे पुग्ने भएपनि कच्चा पदार्थ ल्याउँदा १० प्रतिशतसम्म तिर्नुपरेको उहाँको भनाइ छ । कृषि प्रविधिसँग जोडिएका उपकरण र सामग्री स्वदेशमै उत्पादन नहुँदा राज्यले किसानका लागि छुट्याएको अनुदानको रकम विदेशिने गरेको छ ।