काठमाडाैं ।। यो वर्षकै बहुप्रतिक्षित चलचित्र ‘प्रेम गीत ३’ को छायांकन सुरु गरिएको छ । । काठमाडौंस्थित दक्षिणकाली मन्दिरमा चलचित्रको शुभमुर्हत भएको हो । यो चलचित्रको छायांकन सुरु गरिएको चलचित्र आगामी चैत २८ मा प्रदर्शन हुने निर्माता सेनले जानकारी दिनुभयो ।
प्रदीप खड्का, क्रिस्टिना गुरुङ, शिव श्रेष्ठ, सुनिल थापा, सन्तोष सेन, मनिष राउत, पुष्कर कार्की, प्रेम पुरी, कृष्टिना गुरुङ, क्रिजन गौतम, अनुभव रेग्मी, समृद्धी शाही ठकुरी, योगिसा खत्री, माओत्से गुरु, लक्ष्मी बर्देवा लगायतका कलाकारको अभिनय रहने यो चलचित्र पुर्ण प्रेम कथामा आधारित रहनेछ ।चलचित्रलाई निर्माता तथा कलाकार सन्तोष सेन र छेतेन गुरुङले संयुक्त रुपमा निर्देशन गर्दैछन् । निर्देशक गुरुङ र मन्दिप गौतमले चलचित्रको स्टोरी लेखेका हुन् ।
यो चलचित्रमा कल्याण सिंह र एलिश कार्कीको संगीत रहनेछ । चलचित्रमा राजेश श्रेष्ठको डिओपी, हिमाल केसीको एक्सन, कविराज गहतराजको कोरियोग्राफी र बनिश शाह र भुपेन्द्र अधिकारीको सम्पादन रहनेछ ।
चक्र बहादुर चन्द र डम्बर विक्रम सेन कार्यकारी निर्माता रहेको चलचित्रमा कुमार सेन र ओएसआर डिजिटल सह–निर्मातामा छन् ।
