काठमाडाैं ।। मौसम पूर्वानुमान महाशाखाका अनुसार आज मध्य र पूर्वी पहाडका केहि स्थानहरूमा हल्का वर्षाको सम्भावना रहेको छ । अरब सागरको पूर्वी–मध्य भागमा विकसित भएको न्यून चापीय प्रणालीका साथै पश्चिमी वायुको प्रभावको कारणले नेपालको मौसममा बदली भएको विभागले जनाएको छ । अहिले देशभर आंशिकदेखि सामान्य बदली भएको हो । आज दिउँसो देशका मध्य तथा पूर्वी भू भागमा आंशिकदेखि सामान्य बदली रहने तथा बांकी भु–भागमा आंशिक बदली रहनेछ । मध्य र पूर्वी पहाडका एक वा दुई स्थानहरूमा हल्का वर्षाको सम्भावना रहेको छ । राती भने देशका मध्य तथा पूर्वी भू भागमा आंशिकदेखि सामान्य बदली रहने तथा बाँकी भू–भागमा आंशिक बदली रहने विभागले जारी गरेको सूचनामा उल्लेख गरिएको छ । मध्य र पूर्वी पहाडका एक वा दुई स्थानहरूमा हल्का वर्षाको सम्भावना रहेको छ । पहाडि भू–भागमा हल्का वर्षाको सम्भावना रहेकोले ती स्थानहरुमा यात्रा गर्दा सामान्य सतर्कता अपनाउन विभागले आग्रह समेत गरेको छ ।
