आज नवरात्रीको पाँचौँ दिन,स्कन्दमाताको पूजआजा गरिँदै

काठमाडौ ।। नवरात्रको आज पाँचौ दिन देशभर शक्तिपीठहरुमा भगवति दुर्गाको रुप स्कन्दमाताके पूजा आराधना गरिँदैछ ।
स्कन्दकुमार ९कुमार० की माता भएकीले यिनको नाम स्कन्दमाता भएको पुराणहरूमा उल्लेख छ। गोरो वर्ण भएकी चार हात भएकी यिनको काखमा ६ मुख भएका स्कन्दकुमार छन्।
यिनको यो स्वरूपलाई मातृरूप मानिन्छ। कमलको आसनमा बसेकी हुनाले स्कन्दमातालाई पद्मासना पनि भनिन्छ। नवरात्रमा प्रत्येक दिन एक– एक देवीको आराधना गर्ने परम्परा छ।
घटस्थापना गरिएको स्थान वा विभिन्न शक्तिपीठमा पुगेर श्रद्धालुहरू शक्तिस्वरूपमा भगवतीको आराधना गर्छन्। यो समयमा विभिन्न शक्तिपीठमा पुगेर शक्तिस्वरूपा भगवतीको पूजाअर्चना गर्ने परम्परा छ।
बागलुङ कालिका, दोलखामा कालिञ्चोक भगवती, डडेलधुरामा उग्रतारा, सप्तरीमा छिन्नमस्ता, नवलपरासीमा मौलाकालिका, पाल्पामा तानसेन भगवती, पर्सामा गहवामाई, सर्खेतमा देउतीबज्यै, ताप्लेजुङमा पाथीभरा, सुनसरीमा दन्तकाली , बारामा गढीमाई , रौतहटमा मत्सरी र राजदेववी नवरात्रका गन्तव्यस्थल हुन्। त्यसतै
राजधानीका गृहेश्वरी, दक्षिणकाली, नक्साल भगवती, भद्रकाली, वीलगायतका मन्दिर र शक्तिपीठहरुमा पूजा गर्न भक्तजनहरुको घुँइचो लागेको छ ।