रौतहट ।। रौतहटको माधवनारायण नगरपालिका वडा नं ६ माधोपुरमा नौ दिनसम्म लाग्ने नवाह यज्ञ हुने भएको छ ।
माधोपुरका वडा अध्यक्ष राजीव यादवको अध्यक्षतामा आज गाउँलेहरुको भएको भेलाले नवाह यज्ञ गर्ने सर्वसहमतिबाट निर्णय गरेको हो ।
गाउँको भद्रभलादमी, बुद्धिजिवी,समाजसेवी र राजनैतिककर्मी समेतको उपस्थितीमा भएको भेलाले यस्तो निर्णय गरेको हो ।
आउँदै गरेको पर्व दशैको अवसरमा असोज १२ गतेदेखी उक्त यज्ञ गर्ने निर्णय गरिएको छ ।
माधोपुरमा रहेको ब्रहमबाबा मन्दिरको परिसरमा असोज १२ गतेदेखी शुरु हुने नवाह २० गतेसम्म चल्ने छ ।
वडा अध्यक्ष यादवको विशेष पहलमा लाखौको लागतमा उक्त यज्ञ हुन गइरहेको छ ।
यज्ञमा करिव ९ लाख रपैया सम्म खर्च हुने अनुमान गरिएको वडा अध्यक्ष राजीव यादवले बताएका छन ।
यज्ञको लागि चन्दासंकलन गर्नुका साथै विभिन्न संघ संस्था, स्थानीयतह, जनप्रतिनिधी लगाएतबाट आर्थिक सहयोग माग गरिएको उहाँले बताउनुभयो ।
नवाह यज्ञमा वडा अध्यक्ष राजीव यादव पुजामा बस्ने उहाँका भाई संजीव यादवले जानकारी दिएका छन ।
दशैमा नवाह यज्ञ गर्नाले गाउँ, नगर र समाजको कल्याण हुने र त्यसमा सहभागि हुनेले पापबाट छुटकरा पाईने र पुण्यको भागी हुने जनविश्वास रहेको छ ।
गत वर्ष पनि सोहि ठाउँमा नवाह यज्ञ हुँदा डिजेबाजामा बजेको सितारामको धुनले पुरै गाउँ नै गुञ्जिएजस्तै यस वर्ष पनि गाउँ गुञ्जिने भएको छ ।
यज्ञको तयारी तिव्र पारिएको छ ।
