वीरगञ्ज ।। अवैध रुपमा भारतबाट ल्याइएका लाखौंका सामान सशस्त्र प्रहरी बल नेपालले बरामद गरेको छ । वीरगञ्जको आदर्शनगरबाट २५ लाखभन्दा बढीका कपडा, स्मार्ट घडी र एअर बड्स फेला परेको बताइएको छ ।
दुई वटा ठेला गाडामा हालेर लैजाँदै गरेको अवस्थामा २५ लाख २५ हजार ६ सय रुपैयाँ बराबरका ती सामान प्रस्तावित सीमा सुरक्षा गुल्म वीरगञ्जले फेला पारेको हो । सामान ल्याएका व्यक्ति सशस्त्र प्रहरीलाई देखेपछि फरार भएको बताइन्छ ।
बरामद सामान मध्ये झण्डै ६ लाखको लत्ताकपडा र बाँकी साढे १९ लाख रुपैयाँ बराबरको स्मार्ट वाच र एअर बड्स हो । ती सामान आवश्यक कारवाहीको निम्ति वीरगञ्ज भन्सार कार्यालयमा बुझाइएको छ ।
हाम्राे यूटुव टीभी हेर्नकाे लागि यहाँ किलिक गराै ।।
