विराटनगर ।। कोशी प्रदेश प्रमुख परशुराम खापुङ्गले दुईवटा अध्यादेश जारी गरेका छन् । क्याविनेटको सिफारिसमा प्रदेश प्रमुख खापुङ्गले आज ‘कोशी प्रदेश आर्थिक अध्यादेश, २०८०’ र ‘कोशी प्रदेश विनियोजन अध्यादेश, २०८०’ जारी गरेका हुन् ।
नेपाल संविधानको धारा २०२ को उपधारा (१) बमोजिम कोशीको मन्त्रिपरिषद्को सिफारिसमा अध्यादेश ल्याइएको प्रदेश प्रमुखको कार्यालयका प्रवक्ता नरेन्द्रकुमार श्रेष्ठले बताए । दुई वटा अध्यादेश जारी भएसँगै अल्पमतमा परेको नेकपा एमालेबाट मुख्यमन्त्री हिक्मतकुमार कार्की नेतृत्वको सरकारलाई बजेट ल्याउने बाटो खुलेको छ ।
प्रदेश सरकारले हिजो संसदमा नीति तथा कार्यक्रम प्रस्तुत गरेको थियो । नीति तथा कार्यक्रम प्रस्तुत भएसँगै हिजो रातिबाट प्रदेशसभाको चालु दोस्रो तथा बजेट अधिवेशन अन्त्य भएको हो ।
हाम्राे यूटुव टीभी हेर्नकाे लागि यहाँ किलिक गराै ।।
