रौतहट ।। रौतहट जिल्लाको राजदेवी नगरपालिकामा आर्थिक वर्ष २०७६/०७७ मा विना प्रमाण पेश गरि ७ करोड ९४ लाख ११ हजार रुपैया भुक्तानी गरि २ करोड ३० लाख ८७ हजार रुपैया अनियमितता गरेको खुलेको छ । नियमित प्रमुख प्रसशास्कीय अधिकृतको भरमा नगरपालिका संचालन गरेका निवर्तमान मेयर धिरेन्द्र कुमार सिंहले लेखापाल , योजना अधिकृत , प्राविधिक इन्जिनियरको सहयोगमा विभिन्न सिर्शकमा नेपाल सरकारको रकम अनियमितता गरेको महालेखा परीक्षकको कार्यालयले जारी गरेको प्रतिबेदन को आधारमा पुस्टि भै रहेको हो । मेयर सिंहले आफ्नो आसेपासेलाइ ११ लाख ७८ हजार रुपैया धोति , गम्छा , नाइँटि वितरण गर्न दिएर शिर्षक विपरित भुक्तानी समेत गराएको प्रतिबेदनमा उल्लेख गरिएको छ । निमित प्रमुख प्रशासकीय अधिकृतको जिम्मेवारी पाएका स्वास्थ्यकर्मी सुबोध साह आफ्नो स्वजातियलाइ ७ लाख रुपैया बाख्रा वितरण गर्न दिएर अनियमिता गरेको सार्वजनिक हुदा पनि सम्वन्धित निकायले कुनै कार्यवाही गर्न सकेन । राजदेवी बाख्रा पालन समुह बसतपुरका संचालक रिता साहले काम दाममा बाख्रा खरिद गरि राजदेवी नगरपालिका वडा नम्बर ९ ,८ र ४ मा वितरण गरेको भएपनि केहि दिन भित्र दिइएको पाठो केहि मरेको थियो । नगरपालिका कार्यालय भित्रमा रहेको संजाल निमित प्रमुख प्रशासकीय अधिकृत सुबोध साह , लेखापाल नागेन्द्र साह , स्वास्थ्य संयोजक चन्देश्वर साहले सरकारको रकम कमिशनको आधारमा वितरण गरि अनियमितता गरेको स्थानीयहरुको आरोप रहेको छ । महालेखा परीक्षकको प्रतिबेदन अनुसार पेश्की असुल उपर गर्नु पर्ने ७ करोड ३० लाख २८ हजार रहेको छ भने लिनु पर्ने ३९ लाख ६३ हजार रुपैया रहेको छ । आय रु ५८ करोड ३७ लाखको ३१ प्रतिशत बेरुजु देखिएको छ भने व्यय तर्फ ५६ करोड ६७ लाखको ३२ प्रतिशत रहेको छ । आर्थिक वर्ष २०७४/०७५ मा ३५ लाखको पोल्बत्तिमा उपभोक्ता समिति मार्फत अनियमिता गरेको मेयर धिरेन्द्र सिंहले ५२ लाख रुपैया बागमती नदीको स्पर निर्माणमा निकासा गराई अनियमिता गरेको थियो । बैंक समायोजन खाता नराखेको नगरपालिकाले २ करोड ५० लाख असाढ मसान्त सम्मको बैंक मौज्दात र श्रेस्ता मौज्दातमा फरक देखिएको प्रतिबेदनले ठहर गरेको छ । ३१ लाख आन्तरिक आय बाट प्रकोप व्यवस्थापन कोषमा गरेको ट्रान्सफर फरक देखिएको , १ करोड ३० लाख अनुदान रकम असार मसान्त सम्म खर्च नभई मौज्दात रहेकोमा दाखिल गर्नु पर्ने सुझाव महालेखा परीक्षक कार्यालयले दिएको छ । आर्थिक कारोवारको ढाचामा बार्षिक प्रतिबेदन तयार गर्न नसकेको नगरपालिकाका जिम्मेवार कर्मचारीहरुले कार्यगत तथा योजनागत खाता नराखी कार्यक्रम तथा योजनाको कार्यन्वयन र सेबा प्रबाह प्रगति विवरण तयार पर्न असक्षम रहेको उल्लेख गरिएको छ । १ करोड १० लाख खर्च कर्मचारी करारमा राखेर अनियमित गरिएको छ भने ३लख सकल विल भरपाई बिना भुक्तानी गरिएको ठहर प्रतिबेदनले गरेको हो । १९ लाख पदाधिकारी तथा सदस्यहरुको पारिश्रमिक सुविधा लिएको देखिएको छ । ३९ लाख खाना तथा विविध खर्च गरि अनियमितता गरेको देखिएको छ । ४१ लाख पदाधिकारी तथा कार्यालय प्रयोजनमा विना लगबुकको खर्च गरेको , १९ लाख कार्यालय तथा घर भाडा भुक्तानी गरि अनियमितता गरेको १ करोड ३४ लाख कर्मचारी तलबी प्रतिवेदन पारित नगरी भुक्तानी गरेको ठहर महालेखा परीक्षकको प्रतिबेदनले गरेको छ । १४ लाख रुपैया आन्तरिक स्रोतबाट शिक्षक तलब भता भुक्तानी ,११ लाख वितरणमुखी र उपयोगिता खालका कार्यक्रम आयोजना , ३१ लाख शिलबन्दी दरभाउ पत्र माग नगरी सोझै खरिद गरेको , ७७ लाख उपभोक्ता समितिबाट सिमा भन्दा बढी खर्च गरेको २ लाख प्रमाण बेगर भुक्तानी गरेको ,४८ लाख सामुदायिक आवास भवन निर्माणमा खर्च गरेको प्रतिबेदनमा उल्लेख गरिएको छ । १८ लाख औषधि खरिद , ५८ लाख शिक्षक तलबको अनियमित निकाशा , १ लाख आमा सुरक्षा कार्यक्रममा अनियमित , ४६ लाख विद्यालय दिवा खाजामा विना अभिलेख भुक्तानी , ३३ लाख लक डाउन अवधिमा दिवा खाजाको रकम निकासा , १७ लाख पाठ्यपुस्तक खरिद वितरणका लागि बिनाबिल भरपाईको भुक्तानी गरि अनियमितता गरेकोमा सम्वन्धित निकायले समेत छानविन गरि कार्यवाही गर्न सकेको छैन । १ करोड २० लाख को दाखिला भौचर र पेश्की वितरण प्रमाण पेश नगरेको ,२१ लाख राहत वितरणको नाउमा निकासा गराई विल भर्पाइ लगायतका कागजात पेश नगरेको १७ लाख क्वारेंटाइन संचालन व्यवस्थापनको नाउमा अनियमिता गरिएको छ । आर्थिक वर्ष २०७६र०७७ मा १ करोड १० लाख र आर्थिक वर्ष ०७७/०७८ मा १ करोड १० लाखको हैंड पाइप जडानमा रकमको दुरुपयोग गरिएको छ । गएको आर्थिक बर्षमा साक्षरता कक्षा संचालनको ७ लाख रुपैया निमित प्रमुख प्रशासकीय अधिकृत सुबोध साह र शिक्षा संयोजक विजय सिंहले अनियमितता गरेको स्थानियहरुले आरोप लगाएको छ । निमित प्रमुख प्रशासकीय अधिकृत साहले महालेखा परीक्षक कार्यालयको प्रतिबेदनमा उल्लेख भएको विषय बस्तु आफ्नो पालाको नभएको बताएका छन् । साक्षरता कक्षा संचालनको जिम्मा विजय शिंह को भएकोले यसको विषयमा उहालाई नै जानकारी हुने प्रतिक्रिया दिएका छन् । शिक्षा संयोजक सिंहले राजदेवी नगरपालिका वडा नम्बर १ र वडा नम्बर ९ मा कक्षा संचालनको लागि ६० प्रतिशत र ४० प्रतिशत गरि रकम २ वटा सस्थालाई दिएको बताएका छन् । ९ मा रौशन पशु पालन फर्मलाइ साक्षरता कक्षा संचालनको रकम दिइएको थियो । कागज मै कक्षा संचालन गरेर सो रकम भुक्तानी भएको बुझिएकोले यस विषयमा छानविन गरि कार्यवाही गर्नु पर्ने स्थानीयहरुले सम्वन्धित निकाय सित माग गरेका छन् ।
