सुदूरपश्चिम प्रदेशमा १ सय ६७ वन रक्षक माग(सूचनासहित)

धनगढी ।। सुदूरपश्चिम प्रदेश लोकसेवा आयोगले वन रक्षक पदमा दरखास्त आह्वान गरेको छ । आयोगले १ सय ६७ पदमा खुला तथा समावेशी कोटामा दरखास्त आह्वान गरेको हो । सुदूरपश्चिम प्रदेश, उद्योग, पर्यटन तथा वातावरण मन्त्रालयबाट माग भई आएअनुसार खुलातर्फ ९२, महिलातर्फ २५, आदिवासी जनजाति तर्फ २०, मधेसी १६, दलित ७, अपाङ्ग ४ र पिछडिएको क्षेत्रबाट ३ गरी १ सय ६७ कोटा छुट्याएको छ । कक्षा ८ उत्तीर्ण भई शारीरिक तन्दुरुस्ती भएका १८ वर्षदेखि ३५ वर्ष उमेर समूहले चैत २९ सम्म नियमित र दोब्बर दस्तुरमा वैशाख ६ गतेसम्म अनलाइनमार्फत् आवेदन दिन सक्नेछन् ।