काठमाडाैं ।। जनता समाजवादी पार्टीका अध्यक्ष महन्थ ठाकुरले लुम्बिनीका नवनियुक्त चारजना मन्त्रीलाई सांसद र पार्टी सदस्यबाट कुनै कारबाही नभएको बताउनुभएको छ । हिजो साँझ अध्यक्ष ठाकुरले लुम्बिनी प्रदेशका सभामुख पूर्णबहादुर घर्तीलाई पत्र लेख्दै उहाँहरुलाई पार्टीको केन्द्रीय स्तरबाट कुनै कारबाही नभएको जानकारी ठाकुरले दिनुभएको हो । ‘लुम्बिनी प्रदेशमा पूर्व राजपा नेपाल र पूर्व समाजवादी पार्टीका प्रदेश समितिको समायोजन हुन नसकि जसपा नेपालको प्रदेश समिति गठन हुन बाँकी नै रहेको तर प्रदेश सभामा दुवै संसदीय दलको समायोजन भई जसपा नेपालको ६ सदस्यीय संसदीय दल गठन भई कार्यरत रहेकोले यसैलाई स्वायत्तता दिई प्रदेश सभा सम्बन्धी सम्पूर्ण कार्य लोकतान्त्रिक प्रक्रियाबाट गर्न गराउन निर्देशन पठाइसकेको र त्यसैलाई मान्यता दिइने व्यहोरा जानकारी गराइन्छ,’ अध्यक्ष ठाकुरद्वारा लुम्बिनी प्रदेशका सभामुख घर्तीलाई लेखेको पत्रमा उल्लेख छ । साथै केन्द्रिय स्तरबाट लुम्बिनी प्रदेश सभा सदस्यहरुलाई कुनै कारबाही नभएको बताइएको छ । जसपाको लुम्बिनी प्रदेश संसदीय दलको कार्यालयको वैशाख १६ गतेको पत्रअनुसार सन्तोषकुमार पाण्डेय, विजयबहादुर यादव, सुमन शर्मा रायमाझी र कल्पना पाण्डेलाई प्रदेशसभा सदस्यबाट निष्काशन गर्ने निर्णय भएको थियो । चारैजना केही दिनअघि लुम्बिनी प्रदेश सरकारमा सामेल भएका थिए । चार सांसदलाई पार्टीको उपेन्द्र यादव र बाबुराम भट्टराई पक्षले कारबाही गरेको भए पनि ठाकुर लगायतका नेताले कारबाहीको विरोध गर्दै आएका छन् ।

हाम्राे यूटुव टीभी हेर्नकाे लागि यहाँ किलिक गराै ।।

LEAVE A REPLY

Please enter your comment!
Please enter your name here