वीरगंज ।। भारतबाट नेपाल प्रवेश गर्ने मुख्यद्वार वीरगन्जमा फेरि कोरोना सङ्क्रमणको जोखिम उच्च देखिएको छ । अघिल्लो लहरमा पनि मुख्य रुपमा प्रभावित बनेको वीरगञ्जमा सर्तकता नअपनाइदा अहिले स्थिति झन् भयावह हुन सक्ने खतरा देखिएको छ । शून्य सङ्क्रमित पुगेको वीरगञ्जमा एकाएक सङ्क्रमण बढेको छ । अघिल्लो बर्ष नै अति प्रभावित बनेको वीरगञ्जमा यसपटक पनि छुट्टै कोभिड विशेष अस्पताल छैन । अस्पतालहरुमा चिकित्सकको अभाब कायमै छ । आइसोलेसन वार्डर र क्वारेन्टाइन पर्याप्त छैन । यस्तो संरचनामा कोरोना सङ्क्रमण रोक्न नसकिने नारायणी अस्पतालका डा.निरज सिंहले बताउनुभयो । अघिल्लो वर्ष कोभिड अस्पताल सञ्चालन गर्दा १० करोड रुपैयाँ खर्च भएको महानगरपालिकाले जनाएको छ । अस्पताल निर्माणका लागि प्रदेश र केन्द्र सरकारबाट सहयोग नभएकाले यसपटक कोरोना व्यवस्थापन गर्न सक्ने अवस्था नरहेको नगर प्रमुख बिजय सरावगि बताउँनुहुन्छ । पर्सामा दिनहु सङ्क्रमण दर उच्च गतिमा बढि रहदा सरकोकारवाला निकायले सङ्क्रमण फैलन नदिन प्रभावकारी कदम चाल्न सकेका छैनन् । १४ स्थानीय तह रहेको पर्सामा वीरगन्ज महानगर बाहेक बाँकी १३ स्थानीय तहले कोरोना महामारीलाइ लक्षित गरि कुनै तयारी वा सावधानी अपनाएका छैनन् । प्रमुख जिल्ला अधिकारी पिताम्बर घिमिरे भने सीमामा कडाइ गरेको र सबै पालिकालाइ तयारी अवस्थामा बस्न आग्रह गरेको बताउँनहुन्छ । वीरगञ्ज सहित प्रदेशभर कोरोना फैलन नदिन प्रदेश तहबाट के हुन्दै छ ? स्वास्थ्य निर्देशनालय प्रदेश २ का निमित्त निर्देशक विजय झा प्रदेश स्तरबाट गर्नुपर्ने सम्पूर्ण तयारी गरेको बताउँनुहुन्छ । आवश्यक क्वारेन्टाइन, आइसोलेसन केन्द्र तथा अस्पताहरु तयारी अवस्थामा रहेको उहाँले बताउनुभयो । स्वास्थ्य मन्त्रालयले प्रदेश २ को पर्सा , बारा सहित १४ जिल्लालाइ सङ्क्रमणको अति उच्च जोखिम जिल्ला घोषणा गरिसकेको छ । पर्सामा दिनहु सङ्क्रमण बढिरहदा सरकोकारवाला निकायले प्रभावकारी कदम चाल्न सकेका छैनन ।
