काठमाडौं ।। नेपालमा नोभेल कोरोना भाइरसका आज थप ९ सय ७९ जना संक्रमित थपिएका छन् । यसका साथै देशभरि कोरोना संक्रमितको कुल संख्या ४७ हजार २ सय ३६ पुगेको छ । स्वास्थय तथा जनसंख्या मन्त्रालयका प्रवक्ता डा. जागेशवर गौतमले जानकारी दिएका हुन् ।
मन्त्रालयका अनुसार बितेको २४ घण्टामा थप १ हजार ७३६ कोरोना संक्रमित निको भएर घर फर्किएका छन् । यसका साथै नेपालमा कोरोना मुक्त हुनेको जम्मा संख्या ३० हजार ६ सय ७७ पुगेको छ ।
कोरोना भाइरसको सङ्क्रमणबाट पछिल्लो २४ घण्टामा थप ११ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ३०० पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता गौतमका अनुसार पछिल्लो २४ घण्टामा ९ हजार २९८ जनाको पीसीआर परीक्षण गरिएको थियो ।
काठमाडौं उपत्यकामा सोमबार ३२६ जनामा कोरोनाभाइरस संक्तमण पुष्टि भएको छ। काठमाडौंमा २९३ जना, ललितपुरमा २० र भक्तपुरमा १३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
