राजेन्द्र महतो
लहान ।। अख्तियार दुरुपयोग अनुसन्धान आयोगले सडक डिभिजन कार्यालय लहान, सिरहाका निमित्त डिभिजन प्रमुख विनोद साह विरुद्धसमेत तीन जनालाई मंगलबार विशेष अदालतमा मुद्दा दायर गरेको छ आयोगको टोलीले साहलाई तीन लाख घुससहित केही दिन पहिले पक्राउ गरेको थियो । सेवाग्राहीले गरेको सडक निर्माण कार्य सम्पन्न भई अन्तिम बिल भुक्तानीका क्रममा साहले घुस माग गरेको आयोगले बताएका छन। त्यसै गरी ,सडक डिभिजन कार्यालय लहान, सिरहाका इञ्जिनियर नवीनकुमार साह र सवइञ्जिनियर वीरेन्द्रकुमार साहविरुद्ध विशेष अदालतमा मुद्दा दायर गरेको छ । आयोगका अनुसार उनीहरुले सेवाग्राहीसँग रुपनी–राजविराज–कुनौली सडक आयोजना निर्माणको अन्तिम बिल भुक्तानी दिने क्रममा विभिन्न बाहानामा १५ लाख ९६ हजार रूपैयाँ घुस लिएका थिए । आयोगको बर्दिवासबाट गएको टोलीले उनीहरुलाई घुस लिँदै गरेको अवस्थामा पक्राउ गरेको थियो । आयोगले घुसवापत लिएको रकम बराबरको बिगो असुल गरी कैद सजायको माग गरी विशेष अदालतमा मुद्दा दायर गरेको प्रवक्ता प्रदीपकुमार कोइरालाले बताएका छन।
