एजेन्सी ।। बलिउड अभिनेता अजय देवगनको फिल्म तानाजी बक्स अफिसमा छाइरहेको छ । फिल्म तेस्रो हप्तामा पनि रोकिएको छैन । अभिनेत्री दिपिका पादुकोणको छपाकलाई पछि पारेको र यहि शुक्रबार दुई फिल्म बरुण धवनको र कंगना रनौतको पंगा रिलिज भएका छन् र यी दुवै फिल्म लाई तानाजी चुनौती दिइरहेका छन् । रिपोर्टका अनुसार अजयकाे तानाजीले पहिलो हप्ता ११८.९१ करोड र दोस्रो हप्ता ७८.५४ करोडको कारोबार गरेको थियो । शुक्रबार ५.२७ करोड कमाएसँगै यसको कारोबार २०० करोडमाथि पुगेको छ । तानाजी २०२० मा २०० करोड कमाउने पहिलो फिल्म बनेको छ । फिल्मको लागत ११० करोड र प्रमोसन तथा प्रिन्ट खर्च १५ करोड गरी कूल बजेट १२५ करोड भएको बताइएको छ । तानाजीमा अजय देवगन, सैफ अली खान र काजोल मुख्य भूमिकामा छन् । यतिमात्रै हैन यो फिल्मले सलमान खानको टाइगर जिंदा हैलाई पनि पछि पारिसक्यो।रिलीजको तेस्रो हप्ता कमाई गर्ने फिल्मको सुचिमा तानाजी पाँचौं स्थानमा छ।
