ओम प्रकाश यादव
रौतहट ।। संगम एफएम १०५.५ मेगाहर्ज आजुसे विधिवत रुपमे बज्जिका भाषामे स्थानीय समाचार प्रसारण करेके शुरु कएले हए । रौतहटके देवाही गोनाही नगरपालिका वाड नं ९ धरहरीमे अवस्थित संगम एफएम आजुसे प्रत्येक दिन साझमे ७ बजेसे साढे ७ बजेतक आ सबेरे भि ७ बजेसे साढे ७ बजेतक अपन भाषामे समाचार प्रसारण करेके शुरु कएले हए । एसे पहिले संगम एफएम बाराके कोल्ही बजारसे सञ्चालनमे रहल अवस्थामे विगत कुछ दिन पहिले मात्रै ठाउँसारी होके रौतहटके मात्रीभूमि धरहरी गावसे हि अपन प्रसारण शुरु कएले हए । अभितक प्रत्यक्ष प्रसारणमे रहल संगम एफएम आजुसे औपचारीक रुपमे समाचार भि प्रसारण करेके शुरु कएले हए । देश विदेशके ताजा ताजा खबर थाह पावेके लेल अब अपनेसव प्रत्येक दिन साझमे ७ बजे आ सबेरे भि ७ बजे संगम एफएम सुनसकईछी । अपनेके गावघरमे कौनौ समस्या होईत हए, भ्रष्टाचार होईत हए या कौनो भि किसिमके घटना होईत हए त अपनेसव हमनीके संगम एफएमके नम्बर ९८४५३८०८१२ मे फोन कके जानकारी करासकईछी अपनेसव सूचना और समाचार हमनीसव संगम एफएमसे प्रसारण करम । धरहरीके वडा अध्यक्ष राजेश साह सञ्चालन कएले ई संगम एफएमके स्टेश्न म्योनजर मोहरलाल पटेल रहल हए त मैनेजिंग डाईरेक्टर सरोज गुप्ता रहल हए । आजुसे समाचार प्रसारण करेके शुरु कएले संगम एफएम अगामी दिनमे श्रोताके ईच्छा आकांक्षा अनुसारके हरेक किसिमके कार्यक्रम सञ्चालन करेवला हए त और समाचारके बुलेटिन थपेके अपनेसवके जानकारी कराएलजाईत हए ।
