अक्षयको ‘गुड न्युज’ले गर्यो सानदार ओपनिङ

एजेन्सी ।। शुक्रबारबाट देशव्यापी रुपमा बहुप्रतिक्षित चलचित्र गुड न्युज प्रदर्शनमा आएको छ । बलिउड अभिनेता अक्षय कुमार, करिना कपुर, दिलजित दोसान्द, कियारा अणवाणी लगायतका कलाकारको मुख्य भूमिका रहेको गुड न्युज ले यतिबेला बक्सअफिसमा उत्कृष्ट व्यापार सुरु गरेको छ।
फिल्मले पहिलो दिन १७ करोड ५६ लाख भारतीय रुपैयाँ कमाउन सफल भयो। त्यस्तै प्रदर्शनको दोस्रो दिन २१ करोड ७८ लाखको व्यापार गर्दै झनै उत्कृष्ट परिणाम निकाल्यो।
दुईदिनको व्यापार परिणामलाई लिने हो भने हालसम्म ३९ करोड ३४ लाख फिल्मले कमाइसकेको छ।
फिल्मको व्यापार सम्बन्धमा भारतीय फिल्म बजार विश्लेषक तरण आदर्शले ट्विट गर्दै फिल्मले आफ्नो नाम जस्तै व्यापार पनि राम्रो गरेको उल्लेख गरेका छन्। गुड न्युज को राम्रो ओपनिङले सलमानको दबंग ३ को व्यापारलाई कमजोर बनाएको छ ।