मुगु ।। मुगुको छायाँनाथ रारा नगरपालीका वडा नम्बर १३ मा दाउरा नपाउने दुई गाउँमा ग्याँस चुलो सहयोग गरिएको छ । दाउराको समस्या हुने १३ नम्बर वडा का लापु र लह गाउँका ५७ घरधुरीलाई नगरपालिकाले ‘एक घर एक ग्यास चुलो’ सहयोग गरेको हो । नगरपालिका अन्तरगत गरिबसँग नगर प्रमुख कार्यक्रम अन्तरगत लापुका २५ घरदुरीका दलित परिवार र लह गाउँका ३२ घर दुरी गरी ५७ वटा घरदुरी लाई ग्याँसचुलो वितरण गरिएको नगपालिकाले जनाएको छ । अन्न भन्दा दाउराको चिन्ताले सधै पिरोल्ने गरेको लापु र लह गाउँका बासिन्दा ग्याँस चुलो वितरण भएसँगै खुसी भएका छन् । लापु र लह गाउँमा पुग्दा त्यस क्षेत्रका नागरिकले जंगल नभएको र दाउराको समस्या भएको गुनासो गरेपछि स्थानीयलाई ग्याँस चूलो वितरण गरिएको छायाँनाथ नगर प्रमुख हरिजंग शाहीले बताउनुभयो ।
हाम्राे यूटुव टीभी हेर्नकाे लागि यहाँ किलिक गराै ।।
