काठमाडाैं ।। नेपाली राष्ट्रिय महिला भलिबल टोलीले आज थाइल्याण्डको बैंकक युनिभर्सिटीको टोली सँग पहिलो मैत्रीपूर्ण खेल खेल्दैछ । वैदेशिक प्रशिक्षण तथा मैत्रीपूर्ण खेलका लागि थाइल्याण्डमा रहेको नेपाली टिमले युनिभर्सिटीको टोली सँग खेल्न लागेको हो । नेपाल र युनिभर्सिटी बीचको खेल आज अपराह्न ४ बजेपछि हुनेछ । नेपालमा आयोजना हुने १३ औं दक्षिण एसियाली खेलकुद (साग) र बंगलादेशमा हुने एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको तयारी गर्न नेपाली टोली थाइल्याण्ड गएको हो । थाइल्याण्डको मैत्रीपूर्ण खेल र प्रशिक्षणपछि नेपालले कात्तिक २२ देखि २७ गतेसम्म हुने एभिसी सेन्ट्रल जोन महिला भलिबल खेल्नेछ भने मंसिर १५ देखि २५ गतेसम्म घरेलु मैदानमा हुने सागमा प्रतिस्पर्धा गर्नेछ ।
हाम्राे यूटुव टीभी हेर्नकाे लागि यहाँ किलिक गराै ।।
