रौतहट ।। रौतहटको कटहरिया नगरपालिकाकी उपमेयर नुरजहाँ खातुनले चाडपर्वको समयमा सवारीसाधन चलाएर यात्रुलाई सुरक्षित गन्तव्यसम्म पुरयाउन अनुरोध गरेकि छिन् । उपमेयर खातुनले गाडी चलाउने चालकलाई टिका लगाउनुको साथ साथै गम्छा ओढाई सम्मान गरेकि हुन् । खातुनले चालकलाई राम्ररी गाडि चलाउन सुझाव दिनुको साथै बडादशैंको शुभकामना दिनुभयो । आज बुधवार बिहान नगरपालिकाको कार्यलय अगाडी कटहरिया गरुडा सडकमा उपमेयर खातुनले उक्त कार्यक्रममा प्रहरिको गाडि चलाउने चालक देखि लिएर जिप,बस,ट्रक, ट्याक्टर,टेम्पु चालक लगायतक दर्जनौ चालक लाई सम्मान गरेकि हुन ् । उक्त अवसरमा ईलाका प्रहरी कार्यालय गरुडाका डिएसपी तुलसीराज अधिकारी, कटहरिया ७ का वडा अध्यक्ष नवद राय यादव, वडा ८ का वडा अध्यक्ष नन्दलाल पाश्वान, स्थानिय व्यापारी तथा सञ्चारकर्मीको समेत सहभागिता रहेको थियो । दसैँको अवसरमा सवारी दुर्घटना हुन नदिन नेपाल प्रहरीका आइजिपी सर्वेन्द्र खनालले चालकलाई टिका र माला लगाइ सम्मान गरेपछि जिल्ला–जिल्लामा नेपाल प्रहरीले चालकलाई सम्मान गर्ने पछिल्लो केही दिनदेखि अभियानै चलाएको छ ।
