राैतहट ।। रौतहट प्रहरीले एकथान भारतीय भारतीय नम्बरको चोरीको कागजपत्र नभएको एकथान अल्टो कार बरामद गरेको छ ।
ईलाका प्रहरी कार्यालय राजपुरबाट गएको गस्ती टोलीले राजापुर नगरपालिका ३ डमार चौकस्थित चेकजाँचको क्रममा कागजपत्र नभएको डीएल जी सी क्यू ८२७७ नम्बरको अल्टो कार बरामद गरेको हो। बरामद कारको कुल ५ लाख रुपैयाँ मूल्यांकन सहित आवश्यक कारवाहीको लागि शुक्रवार जिल्ला भन्सार कार्यालय गौरमा बुझाईएको जिल्ला प्रहरी प्रवक्ता डिएसपि दीपक कुमार रायले बताएका छन्।
यसैगरी, १२ जना फरार प्रतिवादीलाई पनि प्रहरीले पक्राउ गरेको छ। फरार प्रतिवादी पक्राउ अभियान अन्तर्गत प्रहरीले जिल्लाको बिभिन्न स्थानबाट १२ जना प्रतिवादी लाई पक्राउ गरेको हाे। जिल्ला अदालत रौतहटबाट दोषी ठहर भएर दण्ड जरिवाना तोकी लामो समय देखि फरार रहेका उनीहरुलाई प्रहरीले पक्राउ गरेको हो।
बोक्सि आरोप मुद्दाका अनरजित महरा, रामफल महरा, रामापरी देबी, भोजेन्द्र महरा, कुट पिट मुदाका राम आधार यादव प्रमोदी राय, गाली बेईज्जती लगायतका मुद्दाका गरी १२ जना पक्राऊ परेका प्रवक्ता रायले बताएका छन्। फैसला कार्वान्यनको लागी प्रतिबादीहरु लाई जिल्ला अदालत रौतहटमा उपस्थित गराईएको जिल्ला प्रहरीको सूचनामा उल्लेख गरिएको छ।
जिल्ला प्रहरी प्रमुख एसपी दिलीप घिमिरेको निर्देशनमा सञ्चालन गरिएको फरार प्रतिवादी पक्राउ अभियान अन्तर्गत झण्डै १ हजार प्रतिवादीलाई पक्राउ गरी कारबाहीको दायरामा ल्याईएको प्रहरी कार्यालय राैतहटले जनाएको छ ।
