विराटनगर ।। राष्ट्रिय सभाको निर्वाचनका लागि नेपाली कांग्रेसका नेता कृष्णप्रसाद सिटौलाले उम्मेदवारी दर्ता गराएका छन्। कोशी प्रदेश निर्वाचन कार्यालय विराटनगरमा पुगेर उनले सोमबार बिहान मनोनयनपत्र दर्ता गराएका हुन् ।
उनको प्रस्तावकमा कोशी प्रदेशसभा सदस्य प्रदीप सुनुवार र समर्थकमा हिमाल कार्की छन्। सिटौला गत प्रतिनिधि सभा निर्वाचनमा राप्रपाका राजेन्द्र लिङदेनसँग पराजित भएका थिए ।
उनीसँगै नेकपा माओवादी केन्द्रकी चम्पादेवी कार्कीले पनि मनोनयन दर्ता गराएकी छन् । सत्ता गठबन्धनले कोशी प्रदेशबाट खाली हुने राष्ट्रिय सभा सदस्यमा कांग्रेस र माओवादीले पाउने गरी भागबण्डा गरेको थियो । यसअघि भएका प्रतिनिधि सभाका दुई निर्वाचनमा पराजित उनी राष्ट्रिय सभामार्फत सदनमा पुग्ने निश्चित जस्तै छ । उनी २०७४ र २०७९ सालमा भएको प्रतिनिधि सभा निर्वाचनमा झापा क्षेत्र नम्बर ३ बाट पराजित भएका थिए । २०७९ मा उनी राष्ट्रिय प्रजातन्त्र पार्टीका अध्यक्ष राजेन्द्र लिङ्देनसँग पराजित भएका थिए
