नेपाली काँग्रेसका मधेश प्रदेशको प्रथम सम्मेलन जनकपुरधाममा सुरू हुँदै, देउवा आउँदै

जनकपुरधाम ।। नेपाली काँग्रेसका मधेश प्रदेशको प्रथम सम्मेलन आजदेखि जनकपुरधाममा सुरू हुँदै छ । जनकपुरधामको तिरहुतिया गाछीमा हुने प्रथम सम्मेलनको उदघाटन गर्न काँग्रेस सभापति शेरबहादुर देउवासहितका शीर्ष नेता जनकपुर आउँदै छन् । आज उदघाटन सत्र र भोलि बन्द सत्र हुने प्रदेश सभापति कृष्ण प्रसाद यादवले जानकारी दिए । उदघाटन सत्रमा मधेश प्रदेशको आठवटै जिल्लाबाट नेताकार्यकर्ता जकपुरधाम आउन थालेका छन् । भोलि बन्द सत्रमा ८२५ जना प्रदेश प्रतिनिधिले भाग लिने सभापति यादवले जानकारी दिए ।