वीरगञ्ज ।। स्कुटीमा लिएर आएको लागूऔषध खैरो हिरोइनसहित प्रहरीले दुई जनालाई पक्राउ गरेको छ । पक्राउ पर्नेमा मकवानपुर हेटौडा उपमहानगरपालिका–१ बस्ने वर्ष २४ को समिप श्रेष्ठ र पछाडि सवार सोही स्थानका बर्ष २८ को सुवास पौडेल रहेका छन् । रक्सौलबाट वीरगञ्जतर्फ ना.३० प ७७४६ नम्बरको स्कुटीमा आउँदै गरेको दुबै जनालाई चेकजाँच गर्नेक्रममा खैरो हिरोइनसहित पक्राउ गरिएको प्रहरीले जनाएको छ । पौडेलले लगाएको हुडीभित्र बाँया हाँतको भागमा लुकाइछिपाइ राखिएको लागुऔषध खैरो हिरोईन ०.६२० मिलिग्राम बरामद गरिएको पर्साका प्रहरी प्रबक्ता एवम् डिएसपी कुमारबिक्रम थापाले जानकारी दिए । यस्तै प्लाष्टिकको झोलाभित्र प्रतिबन्धित लागूऔषध नाईट्राजेपाम नाइजा एक्यान ७० ट्याबलेटसहित प्रहरीले वीरगञ्ज–१६ रजतजयन्ती चोकबाट मकवानपुर हेटौडा उपमहानगरपालिका–१४ मयूरधाप बस्ने वर्ष २८ को साजन पौडेललाई पक्राउ गरेको छ । तीनैजनालाई लागूऔषध समबन्धि कसुरमा अनुसन्धान भइरहेको प्रहरीले जनाएको छ ।
