काठमाडौं ।। ओमान आइसीसी टी–२० विश्वकप एसियाली छनोट क्रिकेटको फाइनलमा पुगेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा शुक्रबार ओमानले बहराइनलाई १० विकेटले पराजित गर्दै फाइनल पुगेको हो ।
१०७ रनको लक्ष्य ओमानले १४.१ ओभरमा कुनै विकेट नगुमाई पुरा गर्यो। ओमानको लागि कश्यप प्रजापतिले अविजित ५७ र प्रतिक आठवलेले अविजित ४८ रन बनाए ।
पहिले ब्याटिङ गरेको बहराइनले पूरै ओभर खेलेर ९ विकेटको क्षतिमा १०६ रन बनायो । बहराइनको लाग इमरान अलीले सर्वाधिक ३० रन जोडे। सरफराज अलीले २३ रन जोड्दा अहमर बीन निसार भने २६ रनमा अविजित रहे । ओमानको लागि अकिब इलियासले ४ विकेट लिए।
यससँगै ओमानले २०२४ को टी–२० विश्वकप खेल्ने पक्का भएको छ। मूलपानीमा अहिले नेपाल र यूएईबीच प्रतिस्पर्धा भईरहेको छ ।
हाम्राे यूटुव टीभी हेर्नकाे लागि यहाँ किलिक गराै ।।
