रौतहट ।। जनता समाजवादी पार्टी नेपालका युवा नेता प्रकाश भाई मधेशियाले राष्ट्रपतिबाट प्राणीकरण भएको नागरिकता सम्वन्धी बिधयेकको विरोध गर्नु आफ्नै नेपाली जनतालाइ नागरिकताबाट बंचित गर्नु भएको बताएका छन ।
नेपाली कांग्रेस नेतृत्वको गठबन्धनको सरकारमा प्रतिनिधि सभा बहुमतबाट पारित भएका नागरिकता विधयेक लाइ पूर्व राष्ट्रपति विद्या देवी भण्डारीले २ पटक प्रमाणीकरण नगरी फिरता पठाएका नागरिकता विधयेक राष्ट्रपति रामचन्द्र पौडेलले प्रमाणित गरेपछि नागरिकताबाट बंचित भएकाहरुले खÞुशी भएको केहि दिन मै सर्वोच्च अदालतले आइतवार अल्पकालीन अंतरिम आदेश दिएपछि नागरिकता विधयेक ओझेलमा परेको छ ।
नागरिकता विधयेकले तराई मधेशमा मात्र नभई हिमाल र पहाड़मा रहेका नागरिकता विहीन नेपालीको लागि लाभकारी भएको बताउँदै मधेशी जनता र संघीयताको विरोधी पार्टीले राष्ट्रहितमा भएको भन्दै गलत प्रचारबाजी गर्न लागेको टिपण्णी गरे ।
राष्ट्रिय स्वतंत्र पार्टीका सभापति रवि लामिछाने प्रति लक्षित गर्दै प्रकाशले भने लामिछाने मधेश र संघीयता विरोधी मानसिकताको हो । दोहोरो नागरिकता लिएको आरोपमा सांसद पद गुमाएका लामिछानेको नेपाली राजनितिकमा कुनै लगानी नभएको आलोचना गरे ।
नेकपा एमाले मधेशी ,जनजाति , थारू ,मुस्लिम ,आदिबासी ,महिलाको अधिकार दिन नचाहने पार्टी भएको आरोप लगाउदै राष्ट्रपतिबाट प्रमाणीकरण भएको नागरिकता विधयेकलाइ कार्यान्वयनमा ल्याउने बाटो सर्वोच्च अदालतले खोलिदिनु पर्ने आग्रह समेत गरे ।
नागरिकता विधयेकमा रोक लगाउने सर्वोच्च अदालतको विभेदपूर्ण नियत देखिएको प्रस्ट भई रहेको बताउँदै मधेशमा नेकपा एमाले , राष्ट्रिय प्रजातंत्र पार्टी नेपाल र राष्ट्रिय स्वतंत्र पार्टीलाइ प्रवेश निषेध गर्नु पर्ने एक मात्र विकल्प रहेको भन्दै आक्रोश व्यक्त गरे ।
मधेश आन्दोलनमा विद्यार्थीको नेतृत्व गर्दै उल्लेखनीय भूमिका निर्वाह गरेका प्रकाशले नागरिकता विधयेक प्रमाणीकरणमा गठवन्धन सरकारको भूमिका अहम् रहेको बताए ।
मधेशवादी दल जनता समाजवादी पार्टी नेपालको प्रमुख एजेंडा नागरिकता विधयेक रहेको जिकिर समेत गर्दै नागरिकता बिधयेक लागू गराउन अंतरिम आदेश खारिज गर्न मांग गरे ।
