किभ ।। युक्रेनी राष्ट्रपति भोलोदिमिर जेलेन्स्कीले हालै रुसी सेनाबाट मुक्त भएको खेरसन सहरको भ्रमण गरेका छन् । युक्रेनी सेना प्रवेश गरेको केही दिनपछि जेलेन्स्कीले सो क्षेत्रको भ्रमण गरेका हुन् । रुसी सेनाले गत शुक्रबार खेरसन क्षेत्र छोडेको थियो ।
जेलेन्स्कीले युक्रेनी सेनाले खेर्सन शहरलाई पुनः कब्जा गरेपछि युक्रेनीहरूले राहत व्यक्त गरेको र रूसी कब्जाकर्ताहरूले सयौं नयाँ ‘युद्ध अपराध’ गरेको प्रमाण फेला पारेको बताएका छन् । फेब्रुवरीमा रुसले आक्रमण गरेपछि खेरसन सहर पतन हुने पहिलो प्रमुख सहरी क्षेत्र थियो । पश्चिमतर्फ ब्ल्याक सीमा पहुँच र पूर्वमा एजोभ सीमा पहुँचसँगै यसको पूर्ण पुनः कब्जाले युक्रेनको लागि सम्पूर्ण खेरसनको प्रवेशद्वार खुला गरेको छ ।
यो क्षेत्र क्रेमलिनले सेप्टेम्बरमा घोषणा गरेको चार मध्ये एक थियो र रुसको अंश थियो। रुसी राष्ट्रपति भ्लादिमिर पुटिनले युक्रेनी सेनाबाट उनीहरुको रक्षाका लागि सबै उपलब्ध साधन प्रयोग गर्ने वाचा गरेका छन् । यसैबीच, क्रेमलिनले खेर्सन अझै पनि रूसको हिस्सा भएको विषयलाई जोड दिएको छ ।
