नुवाकोट ।। नुवाकोटको विदुर नगरपालिकामा सवैभन्दा बढि प्रशुती गराउने स्वास्थ्य केन्द्रलाई पुरस्कृत गरेको छ । गत आर्थिक वर्ष २०७७÷०७८ मा सबैभन्दा वढी प्रसुती सेवा उपलव्ध गराउने खड्गभञ्ज्याङ स्वास्थ्य चौकीलाई नगद १० हजार र नुवाकोट स्वास्थ्य चौकीलाई ५ हजार रुपैयाँ सहित पुरस्कृत गरेको हो । गत आर्थिक वर्षमा खड्गभञ्ज्याङ स्वास्थ्यचौकीले १५ जना र नुवाकोट स्वास्थ्य चौकीले ५ जनालाई प्रशुती सेवा उपलव्ध गराएको विदुर नगरपालिका स्वास्थ्य शाखाका जनस्वास्थ्य निरिक्षक रामराजा भण्डारीले जानकारी दिनुभयो । विदुर नगरपालिका भित्र रहेका १८ वटा स्वास्थ्य सस्थाहरु मध्ये हाल ६ वटामा प्रसुती सेवा उपलव्ध रहेको छ । यसैबीच जोखिमपुर्ण अवस्थामा रहेकी नुवाकोटको दुर्गम भेग वेतिनीकी एक सुत्केरी महिलाको हेलिकप्टरमार्फत उद्धार गरिएको छ । सरकारको सहयोगमा दुप्चेश्वर गाउँपालिका वडा न.४ पाखागाउ बेतिनिकी महिलाको हेलिकप्टरमार्फत उद्धार गरि काठमाडौ पठाइएको दुप्चेश्वर गाउँपालिकाले जनाएको छ ।
