काठमाडाैं ।। विश्वभर कोरोना सङ्क्रमित थपिने दर फेरि उकालो लाग्न थालेको छ । कोरोना सम्बन्धी तथ्याङ्क अद्यावधिक गर्दै आएको वल्र्ड मिटरका अनुसार गत २४ घन्टामा विश्वभर ६ लाख ४१ हजार ८ सय ८३ नयाँ सङ्क्रमित थपिएका छन् । योसँगै विश्वभर कोरोनाका कारण सङ्क्रमित हुनेको संख्या १९ करोड ७९ लाख ६६ हजार ६ सय ४० पुगेको छ । २४ घन्टामा थपिएका नयाँ सङ्क्रमितमध्ये सबैभन्दा धेरै अमेरिकामा रहेका छन् । अमेरिकामा मात्रै गत २४ घन्टामा ९९ हजार ४ सय ७० जना नयाँ सङ्क्रमित थपिएका छन् । यस्तै भारतमा ४१ हजार ४ सय ९९, इन्डोनेशियामा ४१ हजार १ सय ६८, ब्राजिलमा ४० हजार ९ सय ४, बेलायतमा २९ हजार ६ सय २२, फ्रान्समा २४ हजार ३ सय ९, स्पेनमा २४ हजार ७ सय ५३, इरानमा २४ हजार ७ सय १५ र रुसमा २३ हजार ५ सय ६४ जना रहेका छन् । यस्तै गत २४ घन्टामा विश्वभर ९ हजार ३ सय ३९ जनाको मृत्यु भएको छ । कोरोनाका कारण गत २४ घन्टामा सबैभन्दा धेरै इन्डोनेशियामा १ हजार ७ सय ५९, ब्राजिलमा ८ सय ८६, रुसमा ७ सय ९४, भारतमा ५ सय ९८, अर्जेन्टिनामा ४ सय ७३, कोलम्बियामा ३ सय ६ जनाको मृत्यु भएको छ । योसँगै विश्वभर कोरोनाका कारण मृत्यु हुनेको संख्या ४२ लाख २३ हजार ४ सय ७७ पुगेको छ ।

हाम्राे यूटुव टीभी हेर्नकाे लागि यहाँ किलिक गराै ।।

LEAVE A REPLY

Please enter your comment!
Please enter your name here