काठमाडौं ।। नेपालमा पछिल्लो २४ घण्टामा १८८ जनामा कोरोना भाइरसका संक्रमण पुष्टि भएका छन् ।
पछिल्लो २४ घण्टामा देशभर ४ हजार ३२ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ७६ हजार २४४ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७७ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण निको हुनेको संख्या २ लाख ७२ हजार ९७ जना पुगेको छ ।
न्त्रालयका अनुसार कोरोना संक्रमितको संख्या क्रमश बढिरहेको भए पनि पछिल्लो २४ घण्टामा कोही पनि संक्रमितको मृत्यु भएको छैन । सोमबारसम्मको विवरणअनुसार नेपालमा हालसम्म कोरोना भाइरसको संक्रमणबाट मृत्यु हुनेको संख्या ३ हजार १९ जना रहेको छ ।
हाल देशभर सक्रिय संक्रमितको संख्या ११२८ जना छ ।
मन्त्रालयका अनुसार हालसम्म नेपालमा २२ लाख ४५ हजार ३० जनाको पीसीआर विधिबाट स्वाब परीक्षण गरिएको छ भने अहिले ११२८ जना आइसोलेसन र ४८ जना क्वारेन्टिनमा छन् ।
