थप ४ को मृत्यु, मृतकको कुल संख्या ८३ पुग्यो

काठमाडौं ।। नेपालमा कोरोना भाइरसबाट थप ४ जनाको मृत्यु भएको छ । मंगलबार स्वास्थ्य मन्त्रालयकाे नियमित प्रेस ब्रिफिङमा प्रवक्ता डा जागेश्वर गौतमले धनुषा, काभ्रे र सिन्धुपाल्चोकका गरी थप ४ जनाको मृत्यु भएको जानकारी दिए । 
मृत्यु हुनेमा धनुषाका ६० र ५० वर्षीय पुरुष, काभ्रेकी ५० वर्षीया महिला  तथा सिन्धुपाल्चोकका ८४ वर्षीय पुरुष रहेका छन् । योसँगै देशभर कोरोना संक्रमणबाट मृत्यु हुनेको कुल संख्या ८३ पुगेको छ ।