बाजुरा ।। बाजुरामा थप ४१ जनामा कोरोना संक्रमण पुष्टि भएको छ । काठमाडौं प्रयोगशालामा गरिएको परिक्षणबाट बडिमालिका नगरपालिकाका थप ४१ जनामा कोरोना संक्रमण पुष्टी भएको स्वास्थ्य कार्यालय बाजुराले जनाएको छ । कोरोना संक्रमण देखिएका ४० जना बडिमालिका नगरपालिका र १ जना बुढीगंगा नगरपालिकाका हुन् । क्वारेन्टाइनबाट घर पठाइसकेका व्यक्तिहरूमा कोरोना देखिएको हो । सूची सहीतको विवरण आउँन बाँकी रहेपनि सबै जना बाजुराको बडिमालिका नगरपालिकाका रहेका र ती सबै जना क्वारेन्टाइनबाट घर गइसकेका मानिसहरू भएको बताइएको छ । संक्रमित ४१ जना मध्ये १५ जना महिला छन् । भने २६ जना पुरुष रहेका छन् । ४१ जना थपिएसँगै जिल्लामा संक्रमतिको कुल संख्या ६२ पुगेको छ । ती मध्ये २ वर्षकी बालिकाको मृत्यु भइसकेको छ भने एक जना कालिकोटमै उपचार पछि घर फर्किसकेका छन् ।
हाम्राे यूटुव टीभी हेर्नकाे लागि यहाँ किलिक गराै ।।
