राैतहट ।। रौतहटमा कोरोना संक्रमितको संख्या दिनप्रतिदिन बढदै गएको छ । दुईसाता यता विभिन्न कामले भारत गएका नेपालीहरु स्वदेश फिर्ता भएसँगै यस जिल्लामा संक्रमितको संख्यामा ह्वातै वृद्धि भएको छ । रौतहटमा सोमवार मात्रै ९८ जनामा कोरोना भाइरस संक्रमण पुष्टि भएको छ । योसँगै यस जिल्लामा कोरोना भारसबाट संक्रमित हुनेको संख्या ८ सय ६९ पुगेको छ । जिल्लाको इशनाथ, राजपुर, राजदेवी, फतुवा विजयपुर नगरपालिका र यमुनामाई गाउँपालिकाका व्यक्तिहरुमा कोरोना संक्रमण पुष्टि भएको प्रमुख जिल्ला अधिकारी वासुदेव घिमिरले जानकारी दिनुभयो । इशनाथ नगरपालिकाका ३३ जना, राजपुर नगरपालिकाका ८ जना, राजदेवी नगरपालिकाका ९ जना, फतुवा विजयपुर नगरपालिकाका १ जना र यमुनामाई गाउँपालिकाका ४७ जनामा कोरोना भाइरस संक्रमण पुष्टि भएको प्रमुख जिल्ला अधिकारी घिमिरेले जानकारी दिनुभयो । काठमाडौंको टेकु अस्पतालमा गरिएको परीक्षणमा उनिहरुमा कोरोना संक्रमण पुष्टि भएको हो । संक्रमण पुष्टि भएका सबै जना भारतका विभिन्न सहरबाट भर्खरै रौतहट आएका नेपालीहरु रहेका छन् । यसअघि आइतवार मात्रै ४४ जनामा संक्रमण पुष्टि भएको थियो । संक्रमण पुष्टि भएका सबै जना सम्बन्धित नगरपालिकाको क्वारेन्टिनमा रहेका छन ।
