एजेन्सी ।। नेपाली तथा बलिउड गायक उदितनारायण झाका छोरा बलिउड गायक आदितयनारायण झा र गायिका नेहा कक्डबीच विवाह हुने तय भएको छ । टीभी रियालिटी शो–‘इन्डियन आयडल–११ को कार्यक्रममा नेहा कक्कड र आदित्य नारायण झाको विवाह हुने दुबैका परिवारले जानकारी दिएका हुन् । उनीहरुका आमाबुवा कार्यक्रममै उपस्थित भएर विवाह हुने पक्का गरेका हुन् । दुवैको आमाबुवा सोमा अतिथिका रुपमा आएका थिए । आदितयले रियालिटी शोलाई अहिले सञ्चालन गर्दै आइरहेका छन् ।
यति बेला नेहाले आदित्यका आमाबुवासँग आर्शिवाद लिएकी थिइन। उदित र दीपा पनि नेहा कक्कडलाई खुब मन पराउँछन्। कार्यक्रममा आदित्यको परिवार मात्र होइन, नेहाको परिवार पनि पुगेका थिए।
आदित्यले पनि नेहाको आमाबुवासँग आर्शिवाद लिएका थिए। ’ त्यसपछि आदित्य स्टेजमा नाच्न थाले। नेहासँगै रहेका दुवै जज हिमेश रेशमिया र विशाल ददलानीले खुसी व्यक्त गरे। हिमेशले भने, ‘१४ फेब्रुअरीमा विवाह गर्ने भए १ फेब्रुअरीमा मेहन्दीको आयोजन होस्।’
यही कार्यक्रममा आदित्यले नेहासँग विवाहको घोषणा गरे।
आदित्यले कार्यक्रमकै दौरान धेरै पल्ट नेहासँग विवाहको प्रस्ताव राखेको जनाइएको छ ।
