रौतहट ।। शिक्षक सरुवाको विषयलाई लिएर जिल्लाको गरुडा नगरपालिकामा बिहीबार स्थानीय विद्यार्थीहरुले प्रदर्शन गरेका छन्। प्रदर्शनका क्रममा नगरपालिकाका विभिन्न गाडीमा क्षति पुगेको छ। गरुडा नगरपालिकाले अनियमित तरिकाबाट प्रधानाध्यापक प्रभु पटेल र शिक्षक शिवशंकर झाको सरुवा गरेपछि उच्च माध्यमिक विद्यालय गरुडाको विद्यार्थीहरु आक्रोशित भई गरुडा नगर कार्यपालिकाको कार्यालयमा ढुंगामुढा गरेका हुन ।
नमुना माध्यमिक विद्यालयका नेपाली शिक्षकको अन्यत्र सरुवा भएपछि विद्यार्थीहरुले आक्रोशित हुँदै प्रदर्शन गरेका थिए। प्रदर्शनलाई नियन्त्रणमा लिन इलाका प्रहरी कार्यालयले प्रयास गरिरहेको छ। यस्तै, गरुडा नगरपालिकाको कार्यालय परिसरमा सशस्त्र प्रहरी र नेपाल प्रहरीको बाक्लो उपस्थिति रहेको छ।
प्रदर्शनको क्रममा पालिकामा ठूलो क्षति भएको अनुमान गरिएको छ। क्षतीको विवरण पालिकाका कर्मचारी र प्रहरीले संकलन गरिरहेको इलाका प्रहरी कार्यालय गरुडाले जनाएको छ।
