काठमाडौं ।। उपप्रधानमन्त्री तथा गृहमन्त्री रवि लामिछानेले आफ्नो माग भनेको संसद्मा एकचोटि बोल्नपाउनुपर्ने मात्र भएको बताएका छन् ।विहिवार पनि प्रमुख प्रतिपक्षी नेपाली कांग्रेसको अवरोधका कारण प्रतिनिधि सभा बैठकमा सम्बोधन गर्न नपाएका गृहमन्त्री लामिछानेले सामाजिक सञ्जालमार्फत गुनासो गरेका हुन् । साथै किन हो कुन्नि उनले मिडियाप्रति पनि आक्रोश पोखेका छन् ।
उनले लेखेका छन्, ‘एकपटक बोल्न पाउनुप¥यो, त्यत्ति हो मागेको । यति घिन लाग्दो मिडिया ट्रायल ?’ संसद्मा विहिवार गृहमन्त्री लामिछानेले बोल्ने विषयमै कांग्रेस र सत्ता पक्ष एमालेका सांसदबीच धकेलाधकेलसमेत भएको थियो ।
संसद्मा प्रमुख प्रतिपक्षी दल नेपाली कांग्रेसले अलोकतान्त्रिक र गैरसंसदीय चरित्र देखाएको भन्दै नेकपा एमालेले निन्दा गरेका छन् ।
नेकपा एमालेका प्रमुख सचेतक महेश बर्तौलाले कांग्रेसले संसद्मा देखाएको चरित्र अलोकतान्त्रिक मात्रै नभएर दादागिरी शैलीको भएको आरोप लगाए । कांग्रेसबाट अलोकतान्त्रिक र गैरसंसदीय प्रदर्शन ग¥यो । नेपाली कांग्रेसले सदनलाई मुठभेडको ठाउँमा लैजाने अनि दादागिरी मच्चाउने काम गरेको छ । एमालेको तर्फबाट घोर भत्र्सना गर्दछु ।’
गृहमन्त्री लामिछानेसमेत जोडिएका सहकारीको बचत अपचलन प्रकरण छानबिन गर्न संसदीय समितिको माग राख्दै कांग्रेसले संसद्मा निरन्तर विरोध गरिरहेको छ भने गृहमन्त्री लामिछानेलाई बोल्नसमेत दिइरहेको छैन ।
