काठमाडाैं ।। पाकिस्तानका पूर्व विदेशमन्त्री तथा पाकिस्तान तेहरीक-ए-इन्साफ (पिटिआई) का नेता शाह महमूद कुरैशी पक्राउ परेका छन्। कुरैशी इस्लामावादबाट पक्राउ परेकाे बिबिसी उर्दूले जनाएकाे छ । पक्राउ गर्नुअघि कुरेशीले रेकर्ड गरिएको भिडियोमा भनेका छन्, ‘मलाई पक्राउ गर्न प्रहरी आएको छ। म सन्देश दिन चाहन्छु- यो आन्दोलन स्वतन्त्रताको लडाइँ हो र यसमा हामी सहभागी हुनैपर्छ। आज इमरान खान उनीहरूको हिरासतमा छन्, जसबाट उनको ज्यान खतरामा छ। तपाईंहरूले हाम्रो वास्तविक स्वतन्त्रता संग्राम जारी राख्नुपर्छ र इमरान खान रिहा नभएसम्म नरोक्नूहोस् ।’
पूर्वप्रधानमन्त्री इमरान खान पक्राउ परेपछि पाकिस्तानमा हिंसात्मक प्रदर्शन जारी छ ।
पाकिस्तानी प्रधानमन्त्री शाहबाज शरीफले बुधबार राति देशलाई सम्बोधन गर्दै हिंसा गर्नेहरूलाई कडाभन्दा कडा सजाय दिइने चेतावनी दिएका छन्।
यसैबीच पाकिस्तानमा चलिरहेकाे हिंसाका कारण १० जनाको मृत्यु भइसकेकाे छ।
