संखुवासभामा सिम्रिक एयरको हेलिकोप्टर दुर्घटना

काठमाडौं ।। संखुवासभामा सिम्रिक एयरको हेलिकोप्टर दुर्घटना भएको छ । भोटखोला गाउँपालिका वडा नं. ४ को सिप्रुङ्ग भन्ने ठाउँमा सिम्रिक एयरको हेलिकोप्टर दुर्घटना भएको प्रहरीले जनाएको छ ।
जिल्ला प्रहरी कार्यालय, संखुवासभाका प्रहरी जवान भुवनबाबू खड्काकाअनुसार उद्धारका लागि दुर्घटनास्थलतर्फ प्रहरी र आर्मीको टोली ‘मूभ’ भइसकेको छ । घटना केही अगाडि घटेको भएपनि त्यहाँ पुग्नका लागि अझै केही समय लाग्ने खड्काले बताए । नेपालभ्यूजसँग उनले भने, “त्यहाँ गाडी जाँदैन, हिँडेर जानुपर्छ । त्यही भएर अझै आधा घण्टाभन्दा बढी नै समय लाग्छ । उद्धारका लागि प्रहरी र आर्मी त्यतातर्फ हिँडिसकेको छ ।” घटनाबारे  विस्तृत जानकारी आउन बाँकी छ ।