नवलपुरमा बस र ट्रक ठोक्किँदा २० जना घाइते

काठमाडाैं ।। नवलपरासी (बर्दघाट सुस्ता पूर्व) नवलपुरमा सवारी दुर्घटना हुँदा २० जना घाइते भएका छन्।पूर्व पश्चिम राजमार्गअन्तर्गत विनयी त्रिवेणी गाउँपालिका–१ विनयी खोला नजिक आज बिहान साढे चार बजे बस र ट्रक एकापसमा ठोक्किएको थियो।बागलुङबाट भैरहवाका लागि छुटेको लु१ख ४६७० नम्बरको बस र पश्चिमबाट छुटेको लु२ख ८९३ नम्बरको ट्रक एकापसमा ठोक्किँदा दुर्घटना भएको इलाका प्रहरी कार्यालय दुम्किबासले जानकारी दिएको छ ।घाइतेमध्ये एक जनाको अवस्था गम्भीर रहेको छ। उहाँको मध्यविन्दु अस्पताल डण्डामा सामान्य उपचार पछि भरतपुर रेफर गरिएको छ । अन्यको डण्डामै उपचार भइरहेको छ । बसमा ३० जना सवार रहेकोमा अन्य यात्रु भने सकुसल रहेको पाठकले बताउनुभयो ।