मधेस प्रदेशको प्रदेशसभा बैठक पुनः स्थगित

जनकपुर ।। मधेस प्रदेशको प्रदेशसभा बैठक पुनः स्थगित भएको छ । आजका लागि बोलाइएको बैठक आउँदो चैत ९ गते दिउँसो १ बजेसम्मका लागि स्थगित गरिएको प्रदेशसभा सचिवालयले जनाएको छ । यसअघि फागुन १ र १० गतेका लागि बोलाइएको बैठक पनि स्थगित गरिएको थियो । प्रदेशसभाका सचिव रञ्जित कुमार यादवले नेपाली काँग्रेसको अधिवेशन चलिरहेको र गण्डकी प्रदेशका मुख्यमन्त्री लगायतका व्यक्तिहरू मधेश प्रदेशको भ्रमणको क्रममा रहेकाले समेत बैठक स्थगित गरिएको बताउनुभयो ।