थप ३८८ जनामा कोरोना पुष्टि,४ जनाको मृत्यु

काठमाडौं ।। पछिल्लो २४ घण्टामा थप ३८८ जनामा कोरोना भाइरस संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार पाँच हजार २२५ पीसीआर परीक्षणमा २४७ र दुई हजार ९१५ एन्टिजेन परीक्षणमा १४१ जना गरी ३८८ जनामा संक्रमण पुष्टि भएको हो ।यसका साथै दशेभर कोरोना संक्रमितको कुल संख्या ११ लाख १४ हजार ५४४ पुगेको मन्त्रालयले जनाएको छ । मन्त्रालयका अनुसार पछिल्लो २४ घण्टामा १२०५ जना संक्रमणमुक्त भएका छन् भने कोरोना संक्रमणका कारण ४ जनाको मृत्यु भएको छ ।
यसका साथै संक्रमणमुक्त हुनेको संख्या ९ लाख ५२ हजार ५९९ छ भने ११ हजार ९२५ रहेको छ ।देशभर सक्रिय संक्रमितको संख्या ११ हजार २८२ रहेको छ ।